Horda * Rompiente

EL PRÓSIMU SÁBADU TORNA'L DERBY

2009-11-07T17:35:00.005+01:00

VOLVEMOS

2009-11-04T19:09:00.002+01:00

Depués d'una temporada rara, col mal ambiente, mal xuegu ya eso, que tuvimos pol poli tampocu la Horda funcionó como debía y nun tuvimos muncha gana d'actualizar el blog.
Volvimos a Nacional "B" y vuelve l'ambiente al poli, vuelve la Horda Rompiente y el prósimu partíu en casa, el polideportivu de Ribeseya tien que ser otra vez la bombonera que foi hasta va un par de temporaes.

Nun lo dudes, nun dexes solu al ROMPIENTE F.S. nel derby escontra l'Infiestu

¡VEN A ANIMAR COLA HORDA!

TORNA LA COMPETICIÓN

2008-09-19T12:26:00.002+02:00

Dempués de munchu tiempu ensín actualizar el blog, torna la competición ya'l Rompiente F.S. Esti fin de selmana pasáu, empatábemos en tierres gallegues 6-6 escontra'l Ciudade Narón -con remontada incluyía- con 4 goles de Cris, un de Marcos y otru de Jeremías.
Pa mañán sábadu, arrancamos en casa a les 18:30 escontra'l tamién gallegu Noia F.S.

Mañan nel poli tarán disponibles les caberes unidaes de les camisetes de la Horda Rompiente

ROMPIENTE F.S. - Rest. Llano de Xixón

2008-04-10T13:13:00.002+02:00

Esti sábadu a les 18:30 nel polideportivu de Ribeseya, el Rompiente F.S. enfréntase al equipu xixonés, que ye un de los firmes candidatos al ascensu y que marcha segundu solu superáu pol Estradense gallegu. Los homes de Carlos Prado, guetarán el triunfu nesti derbi asturianu qu'amás coincide col venti aniversariu del club, siendo'l Rompiente F.S. un de los clubes hestóricos del futbol sala asturianu, tantu por años d'esistencia, como por trayeutoria y como non, pola so afición. Ensin dubia una gran tarde de futbol sala la que vamos vivir esti sábadu en Ribeseya.

¡PUXA ROMPIENTE!

Hnos. Barbeito 2 - Rompiente F.S. 3

2008-04-10T13:03:00.001+02:00

El Rompiente torna a la competición dempués de dos selmanes y algama otros tres puntinos, esta vegada en casa del penúltimu.

CLASIFICACIÓN

2008-04-03T12:21:00.005+02:00

EQUIPU	PTS	PX
1 Estradense	67	26
2 Rest. El Llano	63	27
3 Prone Lugo	61	25
4 O Parrulo	61	26
5 C. de Naron	50	25
6 P. Deyma	44	26
7 Santiago	40	26
8 ROMPIENTE F.S.	40	26
9 Club de Mar	36	26
10 Coruxo	29	26
11 Avilés	29	27
12 Mera	26	26
13 C. O Loureiro	25	27
14 Carballiño	25	27
15 Atl. Benavente	24	27
16 Hnos. Barbeito	21	27
17 Ponferrada XXI	9	26

Hnos. Barbeito - Rompiente F.S.

2008-04-03T12:03:00.002+02:00

Esta fin de selmana y depués del parón de les vacaciones y la xornada de descansu, el Rompiente F.S. torna a la competición. Esta vegada'l rival ye'l "Hnos. Barbeito", penúltimu con 21 pts. en 26 xornaes.

Semeya Rompiente F.S. - Lugo

2008-03-04T15:33:00.004+01:00

ROMPIENTE F.S. 2 - LUGO 4

2008-03-04T15:18:00.003+01:00

Esti sábadu'l Rompiente F.S. perdió, nun escontra'l rival, sinon por culpa de los árbitros. Si ya suel ser vezu que los trencilles de turnu seyan más malos que que'l fiu de "Chucky", lo d'esti sábadu nel polideportivu de Ribeseya nun tuvo nome. Foi un escándalu.

Videu, sientese a la Horda

2008-02-29T15:24:00.003+01:00

Nun ye un de los meyores díes de nueso, pero bono, ye lo qu'hai. Atopé esti videu pel youtube y sientesenos cantar ya que la mayoría de los qu'hai tienen música de fondu que tapa'l soníu ambiente. Hai un energúmeno que glaya más que los demás, inconfundible :D

ROMPIENTE F.S. - LUGO

2008-02-29T13:57:00.002+01:00

Mañan a les 18:30 nel poli el Rompiente vuelve a xugar en casa depués de la visita al llíder. Esta vegada recibimos al Lugo, con quien perdimos ellí pero pudiendo conseguir bastante más polo que mañán hai que tornar al camín de les victories.

PUXA ROMPIENTE

L'Estradense prósimu rival

2008-02-21T01:49:00.003+01:00

Esti fin de selmana vémonos les cares col Estradense, llíder de la categoría ya invictu en casa dende hai... nin se sabe. Carlos pue contar en principiu con toos menos con Cristian, que ta sancionáu con 3 partíos pola espulsión d'Avilés. Una puta comedia lo de los fios de puta de la federación, arbitruchos y demás, pagando los patos siempre'l ROMPIENTE F.S.

El direutivu d'Avilés qu'agredió a dos arbitros un mes, Cristian por un insultu 3 partíos... Ensín xacíu dengún.

FEDERACIÓN = CORRUPCIÓN

Rompiente 5 - O Loureiro 4

2008-02-19T01:00:00.005+01:00

Bon partíu esti sábadu nel poli onde'l Rompiente foi más superior al rival de lo que demuestra'l resultáu. Solu al final l'equipu gallegu adornó'l marcador cuando nel final del partíu saco'l porteru a la desesperada, pero'l nuesu equipu afito'l so sitiu nel campu y supo caltener el resultáu. A destacar el gran gol de Lauri y Raul y como no, tamién el trabayu de Gula que nun pudó rematar con un golín.
Na grada bona xornada con bastante ambientucu y muncha folixa, marchando tol mundu pa casa en peores condiciones de les que llegamos.

ROMPIENTE 4 - CARBALLIÑO 3

2008-02-03T18:41:00.000+01:00

El Rompiente F.S. dió ayeri otru pasu al frente al remontar en casa escontra'l Carballiño, un rival na llucha pola permanencia. Los gallegos entamaron nel partíu más concentraos y asina enseguida ganaben 0-2. Depués d'esto y col puxu de la grada, el Rompiente espabiló y asina algamamos el empate a dos. Volvió a adelantase'l Rompiente pa empatar de nueu'l Carballiño, poniendo asina la emoción y tensión fasta que a unos pocos segundos del final, conseguimos meter el definitivu 4-3 que nos dan los tres puntos. A destacar la pésima, horrible, insultante actuación de los arbitros que casi consiguen h.odenos el partíu.

ROMPIENTE 3 - PUERTAS DEYMA 2

2008-01-25T00:39:00.000+01:00

Esti sábadu el Rompiente tornó al camín del trunfu cola trabaya victoria escontra los lleones. Un gol de Laury, otru de Dudu y otru del fiu "pródigu" Richar na primer mitá, valieron pa aguantar el tirón na segunda escontra unos lleoneses que pusieronse a un gol y que nun llevaron más pola bona defensa y el porteru Elias.

ROMPIENTE - PUERTAS DEYMA

2008-01-18T03:36:00.000+01:00

Mañán sábadu 19 Xineru nel polideportivu de Ribeseya el ROMPIENTE F.S. xuega otra vegada en casa escontra l'equipu llionés del "Puertas Deyma", nel que será'l primer partíu de la segunda vuelta.

Coincidiendo con esti partíu, siguirán disponibles les chapes col llogu de Barney na zona de la Horda Rompiente, pregunta-y por elles a cualquiera de los i-rresponsables del grupu.

ROMPIENTE 4 - O PARRULO 7

2008-01-18T03:28:00.000+01:00

El partíu entamó mal, al adelantase los gallegos namás y yendo'l Rompiente siempre por detrás fasta llegar al 4-5 a cinco minutos, que paecia podia danos una allegría al final, pero los gallegos metieron los dos goles finales. Una pena porque un pocu más de suerte nun nos venía mal.
Pol ROMPIENTE F.S. xugó: Elías, Dudu, Cristian(1), Raúl y Laury (2). Salieron tamién: Eli, Gerar, Miguelín(1) y Gula

A siguir asina depués del parón navideñu

2008-01-05T15:07:00.000+01:00

Depués de les victories algamaes nes xornaes pasaes, la última escontral C. de Mar A Mariña, el Rompiente tornará a la competición el prósimu sábadu 12 en casa escontra l'O Parrulo. Ye perimportante que la xente sofite al equipu pa que pueda siguir con esta perbona racha nel camín faza'l papel más dignu posible nesta temporada del regresu a "Nacional A". Amás el fichaxe de Juanele pue ser el revulsivu que necesitabemos en munchos aspeutos, asina polo menos opina la afición na primer encuesta que ficimos nel blog. La mayoria tamos d'alcuerdu en que pue ser el fichaxe necesitau o que puede aportar ciertes coses al bon equipu que ya tenemos y solu dos persones ven con malos güeyos esta incorporación.
De momentu y como tar sin competición ye un aburrimientu dexovos un vídeu que ta pol youtube. Que vos traigan munchu los reis magos si fuisteis bonos, qu'a mi nun van trame na los ........

PUXA ROMPIENTE

LA HORDA NESTI PARTÍU

2007-12-22T21:50:00.000+01:00

ROMPIENTE 4 - CORUXO 2

2007-12-22T21:36:00.000+01:00

Nuea victoria del Rompiente, esta vegada escontra'l Coruxo. Esti nueu triunfu afita l'equipu na zona tranquila xustu enantes del paron navideñu y con un bon puñau de puntos. De siguir con esti camín, ye dicir, ganando lo de casa y yendo fuera ensin renunciar a na, la salvación pue tar mui prósima.
Enantes del partíu de lliga, xugose el partíu ente les vieyes glories del equipu que tuvo perentreníu. Depués de los dos partíos, hebo un pinchéu pa xugadores ya hinches del equipu qu'allargose pelos chigres de la villa.
Na nuesa grada, unes doce persones pero con una bona animación tou'l partíu.

SÁBADU INTENSU DEL ROMPIENTE F.S.

2007-12-21T15:54:00.000+01:00

Mañán sábadu 22 d'Avientu va cellebrase a partir de les 16:30 un partíu beneficu a favor de los ancianos de Ribeseya ente dos combinaos de vieyes glories del Rompiente F.S. A bon seguru esti partíu servirá pa revivir otres époques y momentos d'esti club qu'esta temporada cumple venti años.
De magar les 18:30 el Rompiente xugará'l so partíu de lliga escontra'l Coruxo, pueblu de la redolada d'A Coruña.

Ensin dubia esti sábadu pue ser una gran tarde na grada del polideportivu de Ribeseya, ven a sofitar al Rompiente. Ven cola Horda!!!

ESCOSARONSE LES BUFANDES

2007-12-21T15:33:00.000+01:00

Nun queden bufandes de les 100 de rasu que saquemos na primer tirada pa la Horda Rompiente. Estes bufandes vendimosles por 5 horros de forma esclusiva a los socios y socies de la Horda y ya nun podrán conseguise en dengún otru llau. Dientro pocu esperamos tener nueu material, pero mientres tantu tovia, podeis mercar les chapes col llogu del grupu.

PREBA

2007-12-21T15:04:00.000+01:00

Esti va ser el nueu muerganu d'espresión de la Horda Rompiente. Agora mesmu tamos en prebes pero en pocos díes esperamos tenelo tou llistu. Disculpa-y les molesties.

PUXA ROMPIENTE